China’s Global Military Dominance 2026: Kya China Ban Gaya Hai Duniya Ka Naya Superpower?

Beijing- 2026 ke shuruat tak, China (People’s Liberation Army – PLA) ne apne aap ko ek aisi taqat ke roop mein khada kar liya hai jo seedhe taur par America ko aankh dikha raha hai. $542 billion se zyada ke estimated defense budget ke sath, China ne apni army ko puri tarah digitalize aur modernize kar diya hai.

1. China Ka Global Rank: Kaunse Number Par Hai?

Duniya ki military powers ko rank karne wali Global Firepower Index 2026 ke mutabiq, China ki sthiti niche diye gaye anusaar hai:

• Overall Rank: China filhaal duniya mein 3rd rank par aata hai.
• Naval Strength: Jahazon ki sankhya ke mamle mein China No. 1 par hai.
• Manpower: Active duty sainikon ke mamle mein bhi China duniya mein sabse aage hai.

Note: Halaki China No. 3 par hai, lekin uski technology aur production ki raftar itni tez hai ki wo tezi se Russia (No. 2) ko piche chhod kar America (No. 1) ke kareeb pahunch raha hai.

2. Nuclear Power: Atom Bomb aur Missiles

China ne apne nuclear stockpile ko bahut tezi se badhaya hai. 2026 ki reports ke mutabiq, China ke paas ab 600+ nuclear warheads hain.

• DF-41 (ICBM): Ye China ki sabse khatarnak missile hai jiski range 15,000 km tak hai, jo poore America ko nishana bana sakti hai.
• DF-17 (Hypersonic Missile): Ye sound ki speed se 5 guna tezi se chalti hai aur dushman ke kisi bhi defense system ko chakma de sakti hai.
• Submarine Missiles: JL-3 missile samundar ke niche se nuclear hamla karne mein saksham hai.

3. PLA Navy: Duniya ki Sabse Badi Navy

China ke paas ab jahazon ki sankhya ke mamle mein duniya ki sabse badi Navy hai. Unke paas lagbhag 370+ combat ships hain.

• Aircraft Carriers: China ke paas ab 3 bade aircraft carriers hain—Liaoning, Shandong, aur Fujian (Type 003). Fujian ko haal hi mein 2025 ke anth mein commission kiya gaya hai jo electromagnetic catapult system se less hai.
• Submarines: China ke paas lagbhag 60+ submarines hain, jinme Type 094 (Jin-class) nuclear-powered submarines sabse advance hain.
• Destroyers: Type 055 Nanchang-class destroyers ko duniya ke sabse takatwar warship mana jata hai.

4. PLA Air Force: Stealth aur Modern Jets

China ki Air Force (PLAAF) ab purane Russian designs se nikal kar khud ke stealth fighters par focus kar rahi hai.

• J-20 (Mighty Dragon): Ye China ka 5th generation stealth fighter jet hai jo America ke F-22 ko takkar deta hai. 2026 tak China ke paas 300-500 J-20 jets ho sakte hain.
• H-6N Bomber: Ye nuclear bombs girane mein saksham hai aur hawa mein hi fuel bhar sakta hai.
• Attack Helicopters: Z-10 aur Z-19 China ke main attack helicopters hain jo pahadi ilakon mein war karne ke liye bane hain.

5. Navy, Airforce aur Ground Army ki Takat

6. Kaunsa Desh China ko Hara Sakta Hai?

Duniya mein filhaal kuch hi aise desh hain jo China ko yuddh mein kadi takkar de sakte hain:

1. United States (USA): America ki technology aur 11 Aircraft Carriers ki takat abhi bhi China se aage hai.
2. India: Himalaya ki pahadiyon (Mountain Warfare) mein Indian Army ko sabse behtar mana jata hai. Indian Navy ‘Malacca Strait’ ko block karke China ki supply rok sakti hai.
3. Japan: Japan ne haal hi mein apni defense capabilities ko double kar diya hai aur wo US ke sath milkar China ke liye bada khatra hai.

7. China ke Friend Desh (Allies in War)

Yuddh ki sthiti mein ye desh China ka sath de sakte hain:

• Russia: Inke beech “No Limits Partnership” hai aur dono milkar America ko challenge karte hain.
• Pakistan: China ka sabse purana “All-Weather Friend” jo India ke khilaf dusra front khol sakta hai.
• North Korea: Kim Jong-un ki sena hamesha China ke support mein taiyar rehti hai.
• Iran: America ke khilaf hone ke karan Iran aur China ke military rishte bahut mazboot hain.

Please enable JavaScript in your browser to complete this form.

Name *

First

Last

Name Comment or

Email *

Comment or Message

Submit